Татарстан эчке эшләр министры Әсгать Сәфәров Түбән Кама һәм Зәй ГЭСларында булды. Эшлекле сәфәр барышында ул күзәтү пропуск режимы белән танышты. Баксан ГЭСында булган гадәттән тыш хәлдән соң, Россия эчке эшләр министры мөһим объектларны, гидротехник корылмаларын, тормыш иминлеген тәэмин итүче объектларны контрольгә алуны мөһим бурыч итеп куйды. Шуны күздә тотып, августның беренче ун көнендә Татарстан эчке эшләр министрлыгы республиканың шәһәр һәм районнарда урнашкан энергетика объектларында тикшерүләр уздырачак.
Тулырак...
Бүген шәһәрнең иң эре төзелеш предприятияләренең берсе “Камгэсэнергострой” ачык акционерлык җәмгыяте төзүчеләр көненә багышлап бәйрәм чарасы үткәрде. Башта төзүчеләр Социалистик Хезмәт Герое Евгений Батенчук һәйкәленә чәчәкләр салдылар, соңыннан “Энергетик” мәдәният сараенда тантаналы кичә булды.
Предприятиедә 4 мең 900 кеше эшли. Бу көннәрдә төзүчеләр Түбән Каманың Танеко, Казанның 45 мең кешегә исәпләнгән стадионында, Чаллының ашыгыч медицина ярдәме күрсәтү шифаханәсе, Ижау шәһәренең Нижсталь заводы төзелешләрендә катнаша.
Тулырак...
Торак коммуналь хуҗалыгын реформалаштыруга теләктәшлек фонды республиканың ике шәһәре - Чаллы һәм Кама Аланына 1,57 млрд. сумлык финанс ярдәме күрсәтүне раслады. Карар нигезендә республика өчен билгеләнгән лимит 975, 86 млн. сумга арттырыла. Акчалар күп фатирлы йортларга капиталь ремонт үткәрүгә тотылачак.
Тулырак...
Республиканың мәгариф һәм фән министрлыгы мәгълүматлары буенча, ятим балаларны тәрбиягә алган педагог гайләләренә, укытучы елы кысаларында, ярдәм итү күздә тотыла. Татарстанда шундый 130 гайлә исәпләнелә. Шул исәптән Чаллыда 3 педагог гайләсендә мәктәп яшендә булган 3 бала тәрбияләнә.
Тулырак...
Татарстанда 18 район бөртекле культураларны урып-җыю эшен төгәлләде. Бүгенге көндә игеннәр 92 процент мәйданда җыеп алынган. Алдан планлаштырганча, 1 миллион тонна ашлык суктырып алып булмаячак, ди белгечләр.
Игеннәр 604,5 мең гектар мәйданда җыеп алынган, барлыгы 593,6 мең тонна ашлык суктырылган. Уңыш гектарыннан уртача 9,8 центнер тәшкил итә.
Тулырак...
Бүгеннән шәһәрдә шахмат һәм шашка буенча халыкара турнир башланды. Чаллыга Россиянең 21 төбәгеннән шулай ук Вьетнам, Португалия, Төркмәнстаннан 250 спортчы килде. Ярышлар яшүсмерләр арасында 2 төркемдә үтәчәк. Турнирны ачу тантанасында шәһәр башкарма комиитеты җитәкчесе Васил Шәйхразиев, шахмат буенча дөнья чемпионы Анатолий Карпов катнашты. Ярышлар 8 августка кадәр дәвам итәчәк.
Тулырак...
Россия пенсия фондының иң яхшы визуаль символикасы бәйгесе җиңүчеләре билгеле булды. Алар арасында Чаллы дизайнеры Вячеслав Ковалев та бар. Бәйгедә Россия һәм якын көнчыгыштан барлыгы 160 кеше катнашты. Алар пенсия фонды логотипы, пенсияләрне дәүләти финанслау программасы эмблемасы һәм Россия пенсия фондының егерме еллыгына багышланган открыткалар тәкъдим иттеләр. Җиңүчеләргә бүләкләр пенсия фондының егерме еллык юбилеенда тапшырылачак.
Тулырак...
Яңа уку елыннан 49 мәктәптә ЮХИДИ юнәлешендә кадетлар әзерлиячәк. Бу юкка сайланмады, мәктәпнең материаль – техник базасы бөтен таләпләргә дә жавап бирә. Биредә автомобиль классы, юл хәрәкәте кагыйдәләрен үзләштеру өчен скутер, велосипед һәм башка техникалар белән тәэмин ителгән автомобиль шәһәрчеге бар. Болар укучыларга теоретик һәм практик белемнәрне узләштерүгә мөмкинлек бирәчәк. Быел 13 кадет сыйныфы ачу планлаштырыла.
Тулырак...
